श्री यतिराज स्तोत्रम् (रङ्गार्य कृत)

॥ yatirājastōtram ॥

dhanaṁ yasya sadbrahma vidyānidānaṁ budhānandarūpaṁ svarūpaṁ dadhānam । paraprāpakāṅghridvayīsannidhānaṁ vidhānaṁ vibhūtidvayēśābhidhānam । bhajē bhāṣyakāraṁ bhajē lakṣmaṇāryaṁ bhajē sālasaṅgrāmarāmānujāryam ॥ 1॥ namōnityadivyaprabandhādikr̥dbhyō namaḥ pañcarātrādividbhyō munibhyaḥ । namōmadgurubhyō namastadgurubhyō namaḥ pañcasanskāravidyāgurubhyaḥ ॥ 2॥ namō vēṅkaṭādhīśasatpādarēṇu- stavaiḥ padyavidyāsahasraprayōktrē । mumukṣuñjanānnityakalpānvidhātrē mahāhōbalācāryavaryāya pitrē ॥ 3॥ ahirbudhnyayityādi yasminpramāṇaṁ kalau kaścadityādiśud'dhaṁ purāṇam । mr̥ṣā ghōṣavādādi yēnādharīṇaṁ dhurīṇaṁ gurūṇāṁ pumānsaṁ purāṇam ॥ 4॥ yatīśāśritānāṁ kaniṣṭhō bhavēyaṁ sadā pañcamōpāyaniṣṭhō bhavēyam । gurōraṅghrirūpō bhavēyaṁ bhavēyaṁ harērantaraṅgō bhavēyaṁ bhavēyam ॥ 5॥ anantōhi bhūtvā mahābhāṣyakāraḥ prabud'dhaṁ cakāra trayīśabdajālam । punassō'yamāgatya madbhāṣyakāraḥ prabud'dhaṁ cakāra śrutērarthamūlam ॥ 6॥ mr̥ṣāvādidurvādapaṅkē nimagnaṁ guṇābhāvahēyasvarūpādibhagnam । paraṁ brahma yasya prabhāvēṇa lagnaṁ babhau dr̥ṣṭakalyāṇalakṣmīvalagnam ॥ 7॥ sadaikāntibhirdādaśōdyatsahastrai- ścatussaptatisvīyasiṁhāsanasthaiḥ । tathāviṣṇubhaktairanantairupētaṁ mahāraṅgarājāṅgarakṣāvinītam ॥ 8॥ na yāgō na yōgō na vā tantramantrau na hi jñānadānē na bhaktiprapattī । tathāpyātmalabdhau na sandēhagandhō balammē mahadbhāṣyakārānubandhaḥ ॥ 9॥ kr̥taṁ vā tapō nyadbalaṁvāgurūṇāṁ śriyaḥśrīpatēḥ kinnu sākṣādapēkṣā । ghr̥ṇābhāṣyakārasya niṣkāraṇā vā mamaiṣā mukhēghōṣatē kāpi bhāṣā ॥ 10॥ paravyūhalīlāntarārcāviśēṣai- raśēṣairharirvyāsamanyādivēṣaiḥ । samud'dhartumētanbhavābdhēraśakta- statōbhūdyatiḥ śēṣabhāvānupaktaḥ ॥ 11॥ bhavābdhau nimagnāntsamud'dhartukāmaḥ parōlakṣmaṇāryādgururnēti nēti । sanissāṇabhērīmahākāhalībhi- rbhaṭairghaṣyatāṁ ghuṣyatāṁ diktaṭēṣu ॥ 12॥ satī brahmavidyā sutaḥ śailadīpō guruḥ pārijātaḥ śritaṁ bhāgyaratnam । tataḥ kālamēghē svayaṁ bhōgirājē prasannē tadasminnalabhyaṁ kutō naḥ ॥ 13॥ tr̥ṇīkr̥tyavairañjirudrapratiṣṭhāṁ yadīyāṅghripāthōjakaiṅkaryaniṣṭhām । ihāmutra ca prābhavāḥ prakramantē- tadanyaṁ guruṁ mūḍhabhāvā bhajantē ॥ 14॥ yatīndraṁ vinindatyasadgranthakanthā- dharāviśvamithyānusandhānagandhāḥ । jagaccakṣuṣaṁ pratnamēkaṁ śatāndhā- napaśyantyahō karmabandhādivāndhāḥ ॥ 15॥ na tarkē'pyudarkō na śabdē ca śaktō na kasyāvatārō na tantrasvatantraḥ । kathaṁ kalpayētsarvabhāṣāsu gāthāḥ kimācāryamāhātmyabhītassavēdhāḥ ॥ 16॥ ahaṁ tūrdhvabāhurbhaṇāmi śr̥ṇudhvaṁ śaṭhārātināthādivācaḥ smaradhvam । yatīndrāṅghrikaiṅkaryamātrē yatadhvaṁ manudhvaṁ muradhvansilōkē ramadhvam ॥ 17॥ sudhāpuṇḍrarēkhā virājallalāṭaṁ sudhānśupratīkāśakāśatkirīṭam । samudghāṭya vaikuṇṭhakakṣyākavāṭaṁ suparṇādisansēvyamānandakūṭam ॥ 18॥ uṣassāndhyarāgāruṇanmēgharēkhā- kacākarṣikāṣāyakhaṇḍōttarīyam । br̥hannāradīyōktarūpaṁ turīyaṁ paraṁ vastu paśyāmi lakṣmīdharīyam ॥ 19॥ alaṁ dēśikairanyacittaiḥ pramattai- ralansthāṇukalpairalakṣmīśatalyaiḥ । apadmākṣahārairacakrāṅkadhārai- rasadbhāṣyakārairaśēṣāvatāraiḥ ॥ 20॥ praphullānanētraṁ prabhāśōbhigātraṁ prakr̥tyā pavitraṁ prabhāvairvicitram । harērātapatraṁ satāṁ jaitapatraṁ suparṇasyamitraṁ sumitrāsuputram ॥ 21॥ ahō śāṅkarāḥ kiṅkaratvaṁ prayātāḥ varē bhāskarāstaskarākārabhājaḥ । tatō yādavāḥ pādavāriprapūtā- stathaivāgatāssaugatā bhāṭṭasāṅkhyāḥ ॥ 22॥ śaṭhaḥ kāpilaḥ kō'pi lakṣyō na mōkṣē vinaṣṭasvarō'bhūtsa māhēśvarō'pi । kaṇādaḥ pramāṇapraṇādō'pi śāntaḥ pramāṇaṁ bruvāṇaśca gāṇāpatēyaḥ ॥ 23॥ svayambrahmasūtrāyabhāvē'pi bud'dhyā kathaṁ brahmasūtrādibhāṣyaṁ vidadhyāt । kathaṁ tasya śiṣyā babhūvurmanuṣyāḥ kutō nāsti rōṣaḥ kalērēṣa dōṣaḥ ॥ 24॥ purādarśitaṁ cōlabhr̥tkīṭakaṇṭhaṁ samāruhya sahyācalēndrōpakaṇṭham । akuṇṭhaprabhāvō'tra vaikuṇṭhakalpaḥ sakaṇṭhīravaṁ prāpya sōlluṇṭhamāstē ॥ 25॥ namaḥ puṇyakauṇḍinyagōtrōdbhavēbhyō namassālasaṅgrāmasadvanśajēbhyaḥ । namō vaiṣṇavēbhyō mahadbhyō'rbhakēbhyō namaḥ śēṣabhāvādacintryaśca citryaḥ । bhajē bhāṣyakāraṁ bhajē lakṣmaṇāryaṁ bhajē sālasaṅgrāmarāmānujāryam ॥ 26॥ iti śrīsālagrāmasthalācāryapuruṣanarapatirājasansthānagurūddaṇḍavēdānta- raṅgāryaviracitaṁ yatirājastōtradvayaṁ sampūrṇam ॥ ॥ iti yatirājastōtraṁ sampūrṇam ॥