श्री राघवेन्द्र स्तोत्रम् (अप्पण्णाचार्य कृत)

॥ śrīrāghavēndrastōtram ॥

śrīpūrṇabōdhagurutīrthapayōbdhipārā kāmārimākṣaviṣamākṣaśiraḥ spr̥śantī । pūrvōttarāmitataraṅgacaratsuhansā dēvāḷisēvitaparāṅghripayōjalagnā ॥ 1॥ jīvēśabhēdaguṇapūrtijagatsusattva nīcōccabhāvamukhanakragaṇaiḥ samētā । durvādyajāpatigilairgururāghavēndravāgdēvatāsaridamuṁ vimalīkarōtu ॥ 2॥ śrīrāghavēndraḥ sakalapradātā svapādakañjadvayabhaktimadbhyaḥ । aghādrisambhēdanadr̥ṣṭivajraḥ kṣamāsurēndrō'vatu māṁ sadā'yam ॥ 3॥ śrīrāghavēndrōharipādakañjaniṣēvaṇāllabdhasamastasampat । dēvasvabhāvō divijadrumō'yamiṣṭapradō mē satataṁ sa bhūyāt ॥ 4॥ bhavyasvarūpō bhavaduḥkhatūlasaṅghāgnicaryaḥ sukhadhairyaśālī । samastaduṣṭagrahanigrahēśō duratyayōpaplavasindhusētuḥ ॥ 5॥ nirastadōṣō niravadyavēṣaḥ pratyarthimūkattvanidānabhāṣaḥ । vidvatparijñēyamahāviśēṣō vāgvaikharīnirjitabhavyśēṣaḥ ॥ 6॥ santānasampatpariśud'dhabhaktivijñānavāgdēhasupāṭavādīn । dattvā śarīrōtthasamastadōṣān hatvā sa nō'vyādgururāghavēndraḥ ॥ 7॥ yatpādōdakasañcayaḥ suranadīmukhyāpagāsāditā- saṅkhyā'nuttamapuṇyasaṅghavilasatprakhyātapuṇyāvahaḥ । dustāpatrayanāśanō bhuvi mahā vandhyāsuputrapradō vyaṅgasvaṅgasamr̥d'dhidō grahamahāpāpāpahastaṁ śrayē ॥ 8॥ yatpādakañjarajasā paribhūṣitāṅgā yatpādapadmamadhupāyitamānasā yē । yatpādapadmaparikīrtanajīrṇavācastaddarśanaṁ duritakānanadāvabhūtam ॥ 9॥ sarvatantrasvatantrō'sau śrīmadhvamatavardhanaḥ । vijayīndrakarābjōtthasudhīndravaraputrakaḥ । śrīrāghavēndrō yatirāṭ gururmē syādbhayāpahaḥ ॥ 10॥ jñānabhaktisupatrāyuḥ yaśaḥ śrīpuṇyavardhanaḥ । prativādijayasvāntabhēdacihnādarō guruḥ । sarvavidyāpravīṇō'nyō rāghavēndrānnavidyatē ॥ 11॥ aparōkṣīkr̥taśrīśaḥ samupēkṣitabhāvajaḥ । apēkṣitapradātā'nyō rāghavēndrānnavidyatē ॥ 12॥ dayādākṣiṇyavairāgyavākpāṭavamukhāṅkitaḥ । śāpānugrahaśaktō'nyō rāghavēndrānnavidyatē ॥ 13॥ ajñānavismr̥tibhrāntisanśayāpasr̥tikṣayāḥ । tandrākampavacaḥkauṇṭhyamukhā yē cēndriyōdbhavāḥ । dōṣāstē nāśamāyānti rāghavēndraprasādataḥ ॥ 14॥ 'ōṁ śrī rāghavēndrāya namaḥ' ityaṣṭākṣaramantrataḥ । japitādbhāvitānnityaṁ iṣṭārthāḥ syurnasanśayaḥ ॥ 15॥ hantu naḥ kāyajāndōṣānātmātmīyasamudbhavān । sarvānapi pumarthānśca dadātu gururātmavit ॥ 16॥ iti kālatrayē nityaṁ prārthanāṁ yaḥ karōti saḥ । ihāmutrāptasarvēṣṭō mōdatē nātra sanśayaḥ ॥ 17॥ agamyamahimā lōkē rāghavēndrō mahāyaśāḥ । śrīmadhvamatadugdhābdhicandrō'vatu sadā'naghaḥ ॥ 18॥ sarvayātrāphalāvāptyai yathāśaktipradakṣiṇam । karōmi tava sid'dhasya vr̥ndāvanagataṁ jalam । śirasā dhārayāmyadya sarvatīrthaphalāptayē ॥ 19॥ sarvābhīṣṭārthasid'dhyarthaṁ namaskāraṁ karōmyaham । tava saṅkīrtanaṁ vēdaśāstrārthajñānasid'dhayē ॥ 20॥ sansārē'kṣayasāgarē prakr̥titō'gādhē sadā dustarē । sarvāvadyajalagrahairanumamaiḥ kāmādibhaṅgākulē । nānāvibhramadurbhramē'mitabhayastōmādiphēnōtkaṭē । duḥkhōtkr̥ṣṭaviṣē samud'dhara gurō mā magnarūpaṁ sadā ॥ 21॥ rāghavēndragurustōtraṁ yaḥ paṭhēdbhaktipūrvakam । tasya kuṣṭhādirōgāṇāṁ nivr̥ttistvarayā bhavēt ॥ 22॥ andhō'pi divyadr̥ṣṭiḥ syādēḍamūkō'pi vāgpatiḥ । pūrṇāyuḥ pūrṇasampattiḥ stōtrasyāsya japādbhavēt ॥ 23॥ yaḥ pibējalamētēna stōtrēṇaivābhimantritam । tasya kukṣigatā dōṣāḥ sarvē naśyanti tatkṣaṇāt ॥ 24॥ yadvr̥ndāvanamāsādya paṅguḥ khañjō'pi vā janaḥ । stōtrēṇānēna yaḥ kuryātpradakṣiṇanamaskr̥ti । sa jaṅghālō bhavēdēva gururājaprasādataḥ ॥ 25॥ sōmasūryōparāgē ca puṣyārkādisamāgamē । yō'nut'tamamidaṁ stōtramaṣṭōttaraśataṁ japēt । bhūtaprētapiśācādipīḍā tasya na jāyatē ॥ 26॥ ētatstōtraṁ samuccārya gurōrvr̥ndāvanāntikē । dīpasanōjanājñānaṁ putralābhō bhavēd'dhruvam ॥ 27॥ paravādijayō divyajñānabhaktyādivardhanam । sarvābhīṣṭapravr̥d'dhissyānnātra kāryā vicāraṇā ॥ 28॥ rājacōramahāvyāghrasarpanakrādipīḍanam । na jāyatē'sya stōtrasya prabhāvānnātra sanśayaḥ ॥ 29॥ yō bhaktyā gururāghavēndracaraṇadvandvaṁ smaran yaḥ paṭhēt । stōtraṁ divyamidaṁ sadā nahi bhavēttasyāsukhaṁ kiñcana । kin tviṣṭārthasamr̥d'dhirēva kamalānāthaprasādōdayāt । kīrtirdigviditā vibhūriratulā sākṣī hayāsyō'tra hi ॥ 30॥ iti śrī rāghavēndrārya gururājaprasādataḥ । kr̥taṁ stōtramidaṁ puṇyaṁ śrīmadbhirhyappaṇābhidaiḥ ॥ 31॥ ॥ iti śrī appaṇṇācāryaviracitaṁ śrīrāghavēndrastōtraṁ sampūrṇam ॥ ॥ bhāratīramaṇamukhyaprāṇāntargata śrīkr̥ṣṇārpaṇamastu ॥