श्रीहनुमदष्टोत्तरशतनामस्तोत्रम् (पद्मपुराण)

॥ hanumadaṣṭōttaraśatanāmastōtram ॥

॥ nārada uvāca ॥ sarvaśāstrārthatattvajña sarvadēvanamaskr̥ta । yattvayā kathitaṁ pūrvaṁ rāmacandrēṇa dhīmatā ॥ 1॥ stōtraṁ samastapāpaghnaṁ śrutvā dhanyō'smi padmaja । idānīṁ śrōtumicchāmi lōkānāṁ hitakāmyayā ॥ 2॥ vāyōranśāvataraṇamāhātmyaṁ sarvakāmadam । vada mē vistarādbrahman dēvaguhyamanuttamam ॥ 3॥ iti pr̥ṣṭō nāradēna brahmā lōkapitāmahaḥ । namaskr̥tya jagannāthaṁ lakṣmīkāntaṁ parātparam ॥ 4॥ prōvāca vāyōrmāhātmyaṁ nāradāya mahātmanē । yacchrutvā sarvasaubhāgyaṁ prāpnuvanti janāḥ sadā ॥ 5॥ ॥ brahmōvāca ॥ idaṁ rahasyaṁ pāpaghnaṁ vāyōraṣṭōttaraṁ śatam । viṣṇunā lōkanāthēna ramāyai kathitaṁ purā ॥ 6॥ ramā māmāha yaddivyaṁ tattē vakṣyāmi nārada । idaṁ pavitraṁ pāpaghnaṁ śrad'dhayā hr̥di dhāraya ॥ 7॥ ōm hanumānañjanāputrō vāyusūnurmahābalaḥ । rāmadūtō hariśrēṣṭhaḥ sūrī kēsarīnandanaḥ ॥ 8॥ sūryaśrēṣṭhō mahākāyō vajrī vajraprahāravān । mahāsattvō mahārūpō brahmaṇyō brāhmaṇapriyaḥ ॥ 9॥ mukhyaprāṇō mahābhīmaḥ pūrṇaprajñō mahāguruḥ । brahmacārī vr̥kṣadharaḥ puṇyaḥ śrīrāmakiṅkaraḥ ॥ 10॥ sītāśōkavināśī ca siṁhikāprāṇanāśakaḥ । mainākagarvabhaṅgaśca chāyāgrahanivārakaḥ ॥ 11॥ laṅkāmōkṣapradō dēvaḥ sītāmārgaṇatatparaḥ । rāmāṅgulipradātā ca sītāharṣavivardhanaḥ ॥ 12॥ mahārūpadharō divyō hyaśōkavananāśakaḥ । mantriputraharō vīraḥ pañcasēnāgramardanaḥ ॥ 13॥ daśakaṇṭhasutaghnaśca brahmāstravaśagō'vyayaḥ । daśāsyasallāpaparō laṅkāpuravidāhakaḥ ॥ 14॥ tīrṇābdhiḥ kapirājaśca kapiyūthaprarañjakaḥ । cūḍāmaṇipradātā ca śrīvaśyaḥ priyadarśakaḥ ॥ 15॥ kaupīnakuṇḍaladharaḥ kanakāṅgadabhūṣaṇaḥ । sarvaśāstrasusampannaḥ sarvajñō jñānadōttamaḥ ॥ 16॥ mukhyaprāṇō mahāvēgaḥ śabdaśāstraviśāradaḥ । bud'dhimān sarvalōkēśaḥ surēśō lōkarañjakaḥ ॥ 17॥ lōkanāthō mahādarpaḥ sarvabhūtabhayāpahaḥ । rāmavāhanarūpaśca sañjīvācalabhēdakaḥ ॥ 18॥ kapīnāṁ prāṇadātā ca lakṣmaṇaprāṇarakṣakaḥ । rāmapādasamīpasthō lōhitāsyō mahāhanuḥ ॥ 19॥ rāmasandēśakartā ca bharatānandavardhanaḥ । rāmābhiṣēkalōlaśca rāmakāryadhurandharaḥ ॥ 20॥ kuntīgarbhasamutpannō bhīmō bhīmaparākramaḥ । lākṣāgr̥hādvinirmuktō hiḍimbāsuramardanaḥ ॥ 21॥ dharmānujaḥ pāṇḍuputrō dhanañjayasahāyavān । bakāsuravadhōdyuktastadgrāmaparirakṣakaḥ ॥ 22॥ bhikṣāhāraratō nityaṁ kulālagr̥hamadhyagaḥ । pāñcālyudvāhasañjātasammōdō bahukāntimān ॥ 23॥ virāṭanagarē gūḍhacaraḥ kīcakamardanaḥ । duryōdhananihantā ca jarāsandhavimardanaḥ ॥ 24॥ saugandhikāpahartā ca draupadīprāṇavallabhaḥ । pūrṇabōdhō vyāsaśiṣyō yatirūpō mahāmatiḥ ॥ 25॥ durvādigajasiṁhasya tarkaśāstrasya khaṇḍakaḥ । baudh'dhāgamavibhēttā ca sāṅkhyaśāstrasya dūṣakaḥ ॥ 26॥ dvaitaśāstrapraṇētā ca vēdavyāsamatānugaḥ । pūrṇānandaḥ pūrṇasatvaḥ pūrṇavairāgyasāgaraḥ ॥ 27॥ iti śrutvā nāradastu vāyōścaritamadbhutam । mudā paramayā yuktaḥ stōtuṁ samupacakramē ॥ 28॥ rāmāvatārajātāya hanumadrūpiṇē namaḥ । vāsudēvasya bhaktāya bhīmasēnāya tē namaḥ ॥ 29॥ vēdavyāsamatōd'dhārakartrē pūrṇasukhāya ca । durvādidhvāntacandrāya pūrṇabōdhāya tē namaḥ ॥ 30॥ gururājāya dhanyāya kañjanētrāya tē namaḥ । divyarūpāya śāntāya namastē yatirūpiṇē ॥ 31॥ svāntasthavāsudēvāya saccittāya namō namaḥ । ajñānatimirārkāya vyāsaśiṣyāya tē namaḥ ॥ 32॥ athābhivandya pitaraṁ brahmāṇaṁ nāradō muniḥ । parikramya viniryātō vāsudēvaṁ hariṁ smaran ॥ 33॥ ॥ phalaśrutiḥ ॥ aṣṭōttaraśataṁ divyaṁ vāyusūnōrmahātmanaḥ । yaḥ paṭhēcchrad'dhayā nityaṁ sarvabandhāt pramucyatē ॥ 34॥ sarvarōgavinirmuktaḥ sarvapāpairna lipyatē । rājavaśyaṁ bhavēnnityaṁ stōtrasyāsya prabhāvataḥ ॥ 35॥ bhūtagrahanivr̥ttiśca prajāvr̥d'dhiśca jāyatē । āyurārōgyamaiśvaryaṁ balaṁ kīrtiṁ labhēt pumān ॥ 36॥ yaḥ paṭhēdvāyucaritaṁ bhaktyā paramayā yutaḥ । sarvajñānasamāyuktaḥ sa yāti paramaṁ padam ॥ 37॥ ॥ iti śrīpadmōttarakhaṇḍataḥ śrīhanumadaṣṭōttaraśatanāmastōtraṁ sampūrṇam ॥